| 每年到了依個時候
個人都會悶悶不樂
負能量有增無減
入了大學後
只是不斷地自修
今年更甚
做功課只是為了做功課
不知道學的是為甚麼
讀書變得盲目了
並不覺得樂在其中
在我心中
讀書不應該是這樣
但這個讀書環境
卻令到我一點動力都沒有
坦白地說
除了認識到那幾個傻婆
大學生活不是那麼值得我回味
現在只知道
讀書是為了那張畢業証書
証明自己的努力並沒有白費
快樂是因為自己努力的成果
而不是學習的成果
|
| |
|
依兩至三日我諗係我開sem到依家最勤力的日子
其實可以唔洗攪到自己咁累同趕的
但由於一開始實在太hea
所以不得不過一d非人的生活
我又用左短短的兩至三日時間
衝左8課marketing management, 6 課applied social psychology.
唉~ 其間又要番工同做功課
所以係無咩時間下 我就去左走星期四的B.LAW堂
當我星期三同峰講話我預備走堂時
佢竟然好驚訝咁同我講 : mud你會走堂架咩????
無錯~ 我真的唔鐘意走..
但權衡輕重後 星期五的兩個midterms 始終都係重要的
所以我就咁打爛左今個sem的齋"撥"呢~~
|
| |
|
14/2/2009
今日係我地一起的第二個情人節
我懷住一個好期待的心情去迎接今天一整天的活動
結果 你的細心準備 令今日的迪迪尼一日遊好順利呢~
今日十點多 我就同 我個傻佬衝左入迪迪尼
可能係時間尚早吧
我地可以係食lunch之前玩哂/睇哂
space mountain
buzz lightyear astro blasters x2,,
米奇狂想曲
小熊維尼探歷險之旅
之後我地就係一個城堡內食lunch
嘿 個環境同食物都好好
除左貴左少少 @@
不過唔緊要 今日我地兩個都好醒目地將不同的零食收藏的好好
而且仲拎左寶礦力粉入去沖水 所以已經慳左唔少$$$ ^^
食完個lunch
我地就係小鎮大街到攪左好耐
嘿嘿 禮物依家野 貴精不貴多吒
謝謝你送左條tinker bell頸鍊比我呢
I love it so much!!!!!!!
雖然我地買唔到隻Donald去配我地隻 Daisy
但我地起碼都同到佢地 影相呢^^ (d相後補~~)
不過今日真係天公不做美
竟然會落雨呢 攪到無得睇煙花!!!
所以我地就提早走左
由於前果幾日峰練波練到好累
所以我地就番峰家休息一下先再出去食野
去左apm食dinner yummy~
峰謝謝你為我預備的一切
當你拎出果3張你一早整定的行程表時
我真係好感動呢
原本你咁忙同累 都為我攪咁多野 謝謝你呢~~
其實我唔需要好昂貴的禮物
只要有你係我的身邊就足夠
所以你叫我買依樣買果樣 我都覺得唔需要
有一份而係我鐘意的就夠^^
況且你平時都已經送好多野比我
平時的體貼就等於日日都係情人節
我愛你呀 baby~
ps: 你好得意同聰明呢~~
竟然諗到咁既方法壽收埋條腸同d寶礦力粉^^
|
| |
|
1/2
一起身就感到頭重重同喉嚨痛
本來想繼續訓
但陳媽媽又話約左姨丈姨媽飲茶
咁就唯有去啦 鬼叫佢地咁鍚我咩
飲完茶之後 病情嚴重惡化
但星期日下午d醫生都無開 @@
攪到我食埋唔少成藥 係咁昏睡
訓左差唔多5點我就衝出去荃灣睇REDSUNS四強戰
AI~~ 睇到我鬼咁緊張 兩度追到差一分 但都唔可以超前到
真係激死人 ><
由於嗌到好大聲 所以把聲就咁就無左@@
2/2
今日一早就返BU睇醫生
嘿 $20 呢 真係好抵
之後就學social dance (實際係PE堂)
AI~~ 學左兩堂CHACHACHA又話教完
下一堂又話轉做牛仔
果然係速成班呢 @@
放左學就去找請左假的峰食野
嘿 本來今日佢可以休息一下同我去玩下
但點知他的未來姐夫一早就叫佢幫日搬屋
無辦法啦 累都要幫幫手呢^^
睇埋<<奇幻逆緣>> 食埋晚飯就回家
之後唔知做咩個人就咳到傻左
係咁咳番D痰出黎
半夜仲咳到傻仔 醒左幾次
3/2
本來今日係打算番學的
但係可能係精神唔夠同西藥的影響
係搭火車途中突然感到頭暈暈
車廂內的人又變得朦朦地
又好似好難透氣咁
隻又耳又無啦啦聽唔到野咁
我見唔對路 就搭番屋企休息
就係咁 我訓左成日
4/2
由於琴日訓左成日
今日我終於都好番好多
起碼咳少左 仲少痰左
|
| |
|
原來我真係好耐無打過xanga啦..
好似已經遺忘左我仲有依個地方去寫我的點滴..
但愈用得facebook多就發覺打xanga比facebook好...
因為xanga內的人都係我的好朋友
嘿嘿 即係睇緊的你們
而facebook就有好多我唔識的人
不過我點都無諗過我一打xanga
就係我手提壞的一天
唉~ 真係激死
我用左兩年幾 佢終於夠期啦
唔知有無得整呢 如果無我就慘啦
我又要買過部新 即係今年的利是$$$就凍過水 @@
***************************************
12/1/2009 係我SEM 2 開始的一天
但直到依家 我都仲好HOLIDAY MOOD
雖然知道農曆新年後 d assignments/projects會殺到埋身
但始終都無咩動力去研究下我應該做d咩
不過算啦 即使依家比我知道我應該點做
我都未必去做 懶到無朋友 = ="
|
| |
